Сапарали Абдрахманов агабыздын улгулуу иштери.

1-4-класстын окуучуларына ысык тамак м.н ар кандай момо жемиштерден шербет жасап берилгендиктен,аймагыбыздагы жеке ишкер,озунун жеке чарбасы бар,ак мээнеттен баар тапкан,берешен кол,ишкер агабыз Сапарали Абдрахманов кичинекей наристелер учун оз уй-булосунун атынан спонсор болуп,150 кг.дай алма алып келип окуучуларды кубантты.Агабызга бекем ден-соолук,ишинизге ийгилик каалоо м.н ушундай жакшы жоролголорду жасай бериниз демекчибиз.Сиз,жаштарга улгу корсото алдыныз!

Сулукту шаарындагы М.Т.Ибрагимов атындагы №3орто мектебинде 2021-2022-окуу жылынын 15-сентябрь Билим кунуно карата салтанаттуу линейка откорулуп,алгачкы конгуроо кагылып,билимге суусап турган оз окуучуларын мугалимдер жамааты кучак жая тосуп алышты. 

    Сүлүктү шаарындагы М.Т.Ибрагимов атындагы №3 орто мектебинде 9- май Жеңиш күнүнүн 76 жылдыгына карата линейка өткөрүлүп, окуучулар тарабынан уюштурулган, майрамдык концерттик программа тартууланды

     Сүлүктү шаарындагы М.Т.Ибрагимов атындагы №3 орто мектебинде 2021- жылдын 11- май күнү 9-10-11- класстын окуучуларына АЧД предмети мугалими Досов Бекмырза Кадырович тарабынан 9- май Жеңиш күнүнүн 76 жылдыгынын урматына карата атайын аскердик куралдардын негизгилеринин бири болгон автоматты чачып - жыйноону аскер кызматкери окуучуларга көрсөтүп, ар бир бөлүгүнүн аталышын айтып берди. Окуучулар кызыгуу менен сабакка катышып, өздөрүнө керектүү маалыматтарды алышты.

  9- май Улуу Жеңиштин 76 жылдыгына карата М.Т.Ибрагимов атындагы №3 орто мектепте  5 а-5б- класстар арасында дене тарбия мугалими Абдиллаев Бакыт агай тарабынан уюштурулган куунак старт оюну өткөрүлдү . Оюнда мыкты оюн көрсөткөн окуучулар белгиленип, жеңүүчүлөр калыстар тарабынан аныкталып, грамота менен сыйланышты.

    М.Т.Ибрагимов атындагы №3 орто мектептин китепканачысы Айнура Заңгирова 3а- класстын окуучулары жана энелери менен биргеликте "Окуу керемет" долбоорунун негизинде түзүлгөн жобо боюнча сынак өткөрдү. Сынакта окуучулардын чыгармачылыгы, сынчыл ойлоосу, стратегиялар менен иштөөсү , энелер балдарынын кызыкчылыктарын байкоосу боюнча калыстар тобу баалап, жеңүүчүлөрдү аныктап, аларга мектептин грамотасын жана жомок китептерди белекке беришти. Катышкан энелерге, окуучуларга ыраазычылык билдиребиз.

      Сулукту шаарындагы М.Т.Ибрагимов атындагы №3 орто мектептин окуучу кыздары шаардык денгээлде "Түркүн баштыктар" аттуу көркөм кол өнөрчүлүк боюнча өткөрүлгөн мектептер аралык сынакка катышып, "Эн мыкты сувенирдик баштык" номинациясы боюнча 1-2-3-орундарга, "Эн жакшы ретро баштык" үчүн 2-3-орун, "Эн жакшы композициялык баштык" үчүн 2-3- орундарга ээ болушту. Орун алган чебер кол кыздарыбыздын жасаган баштыктары Республикалык туруна жолдомо алышты. Кыздарга ийгилик каалайбыз.

  Сүлүктү шаарындагы М.Т.Ибрагимов атындагы №3 орто мектептин мугалимдер жамааты, тех. кызматкерлер жана 5-10- класстын окуучулары 2021- жылдын 3- апрель күнү мектептин айланасын таштандылардан арылтып, жашылдандыруу максатында тазалоо, актоо иштерине активдүү катышышты.

   Сүлүктү шаарындагы М.Т.Ибрагимов атындагы №3 орто мектебинде 2021-жылдын 1- апрель күнү класстар арасында Кыргыз Республикасынын Эгемендүүлүгүнүн 30 жылдыгына жана "Балажан" Республикалык эстетикалык тарбия берүү окуу - усулдук борборунун 35 жылдыгына арналган "Түркүн баштыктар" аттуу көркөм кол өнөрчүлүк боюнча сынак өткөрүлдү.

Сынактын максаты: кыргыздын көп кылымдык тарыхын, турмуш тиричилигин,салт санаасын,маданиятын, элдик көркөм чыгармачылыгын өздөштүрүү , сактоо жана өнүктүрүү , балдардын өз элинин көп улуттук маданиятын сыйлоого тарбиялоо .

Сынак өтө жакшы даярдык менен өткөрүлдү. 4-10- класстын окуучулары өз колдору менен жасап келишкен баштыктарын көрсөтүшүп , кантип эмнеден жасагандарын айтып көрүүчүлөргө,калыстар тобуна маалымат беришти. Мектеп администрациясы калыстык милдетти аткарышып, көргөзмөгө коюлган 45 баштыктан тандап , сапаттуусун шаардык турга өткөрүштү . Мектептин технология мугалими Заңгирова Айнура эжекеге жана класс жетекчилерге , сынакка катышкан ар бир окуучуга ыраазычылык билдиребиз. "Адамды акылга бай кылган- эмгек, төрт түлүктү шай кылган эмгек" - дегендей эмгектенген адам бир нерсени жарата алат.

    Сүлүктү шаарындагы М.Т.Ибрагимов атындагы №3 орто мектептин мугалимдер жамааты Нооруз майрамы жана ден соолук күнүнө арналган "Ден соолук-2021" спорт жумалыгына карата Сүлүктү шаарынын билим берүү кызматкерлеринин арасындагы спартакиадага катышып, спорттун волейбол түрү боюнча агайлар командасы 1- орунду ээлеп, l даражадагы ДИПЛОМго ээ болушту.Ал эми спорттун тогуз коргоол түрү боюнча 2- орунга, стол тенниси боюнча 3- орунга, шахматтан 3- орунга жетишип, диплом жана акчалай сыйлыктар менен сыйланышты. Мыкты оюн көрсөткөндүгү үчүн Абдиллаев Бакыт Кенжебекович жана Заңгирова Айнура Абдурасуловналар диплом жана акчалай сыйлыкка ээ болушту. Мектеп жамаатынын ийгилиги кут болсун демекчибиз. Спорт- ден соолуктун булагы.

   Сүлүктү шаарындагы М.Т .Ибрагимов атындагы №3 орто мектебинде 2021- жылдын 27- март күнү мугалимдер жамааты жана тех. кызматкерлер мектептин айланасын тазалоо, актоо иштерин жүргүзүп, ишембиликке активдүү катышышты.

   Сүлүктү шаарындагы Билим берүү бөлүмүнө караштуу Мухамед Тургунович Ибрагимов атындагы №3 орто мектебинин 5а-классынын класс жетекчиси Нурматова Рахиля Исмаиловна тарабынан бүгүн 5-март күнү апалар чакырылып "Апам менин бейишим" деген темада концерттик кечени окуучулары менен биргеликте тартуулашты.

Концерттик кеченин максаты: Апаларды даңктоо, даңазалоо, балдар менен эненин ортосундагы мээримин жандандыруу.

Окуучулар апаларын куттукташып, балдар өздөрүнүн таланттарын көрсөтө алышты. Ошону менен бирге ырларды ырдашып, бийлерди бийлешти жана апалары менен биргеликте кызыктуу оюндарды ойношту.

Концерттик кечеге мектеп уюштуруучусу Хожибаева Шапаткан Икматкуловна катышып, кечеге эң жогорку деңгээлде өтүлдү деп баа беришти. Кеченин акырында апалары мугалимине чоң ыраазычылыгын билдирип, дайыма мектеп менен байланышып, келип туруулары жөнүндө сөз беришти.

    Сүлүктү шаарындагы М.Т.Ибрагимов атындагы №3 орто мектебинде 5- март күнү Кыргыз Республикасынын Туу күнүнө жана кыргыздын улуу баш кийими болгон Ак калпак күнүнө , 8- март айымдардын майрамына карата чакан салтанат болуп өттү . Окуучулар символикабыз болгон туубуздун, ыйык туткан ак калпагыбыздын, мээрими ташты эриткен апаларыбыздын орду чоң экенин билишип, аларды бийик тутуп сыйлоого, урматтоого , муундан- муунга калган мурас экенин билишти. Жалпыныздарды кош майрамыңыздар кут болсун демекчибиз!

     Сүлүктү шаарындагы М.Т.Ибрагимов атындагы  №3 орто мектебинде 4- март күнү 8-9-10-класстар арасында Ааламдын ажары болгон аялзатынын жаз майрамы менен куттуктап, "Аялзат- аалам ажары" деген темада кыздар арасында конкурс уюштурулду.

Максаты: эненин түйшүгүн, эмгегин, ак ниеттүүлүгүн баалоо менен урмат- сый көрсөтө билүүгө балдарды тарбиялоо. Конкурстун жобосу: 1. Саламдашуу, газета жактоо.

2. "Аял" деген сөздү долбоорлоо.

3. Обондуу ыр ( апа жонундо )

4. Баш бармакка камыр жайуу, кесүү.

5. " Мен келечекте кандай апа болом?" көрүнүш

6.Салат жасоо.

7. Апалардын ак батасы ( бата айтуу)

  Ушул жоболорду "Байчечекей", "Аруузат","Айгул гүлү ", "Жоогазын" командалары жогорку деңгээлде аткарышып, апалардын аз да болсо жасаган түйшүктөрүн көрсөтүү менен апаларга болгон мээримин билдире алышты деген ойдобуз. Калыстар тобунун жыйынтыгы менен "Жоогазын " командасы 1- орунду ээлеп, грамота менен сыйланды.

Ушундай кыздарды тарбиялап өстүрүп жаткан ата- энелерге, класс жетекчилерге, мектеп жамаатына терең ыраазычылык билдиребиз.

  Ардактуу апалар, эжелер, сиңдилер, сиздер үйдүн куту гана болбостон коомубуздун бардык тармактарында үзүрлүү эмгектенип, элибиздин бакубат жашоосу үчүн эбегейсиз зор салымыңыздарды кошуп келесиздер. Сиздерге бекем ден соолук , берекелүү өмүр каалайбыз. Майрамыңыздар кут болсун ,Асылзат айымдар!

    Сүлүктү шаарындагы М.Т.Ибрагимов атындагы №3 орто мектебинде 3- март күнү 8- март Аялдардын Эл аралык майрамына карата 5-6-7- класстар арасында "Шыктуу жана шайыр кыздар" аттуу 7 жобонун негизинде конкурс өткөрүлдү. Конкурстун максаты жашоонун маңызы болгон энелердин жашоодогу ордун баалай билүүгө, сыйлап, урматтап, кадырлап сүйүүгө тарбиялоо менен кыздарыбыз өз таланттарын эл алдында көрсөтө билүүгө үйрөтүү .

    Командалар жобо боюнча өтө жакшы даярдык менен келишип, калыстар тобу баалап жыйынтыгында 5а- класстын "Аруузат" командасы 1- орунга ээ болду. Ар бир катышкан окуучулардын класс жетекчилерине ыраазычылык билдирүү менен майрамдык маанай каалайбыз.

Урматтуу ,аксаамай апалар!

Ай чырайлуу эже- синдилер

Жаз менен кошо кирип келген,

Ажайып аялзатынын

Майрамы менен куттуктайбыз!

   Сүлүктү шаарындагы М.Т.Ибрагимов атындагы №3 орто мектептин таланттуу окуучулары "Мен Кыргызстандык экендигиме сыймыктанам" аттуу конкурстун шаардык турунда атайын Балдар чыгармачылык борборунун жетекчилиги тарабынан уюштурулган комиссия курамы 25- февраль күнү мектепке келишип, окуучулардын ыр, бий, элдик аспаптарда ойноо чеберчилигине күбө болушуп, өз каалоолорун билдиришип, окуучулардын окууларына ийгилик каалап, өзгөчө таланттарын баалап кетишти. Комиссия курамынын төрайымы Сапаргүл Казакбаева баштаган жамааттын ишине ийгилик каалайбыз.

  Сүлүктү шаарындагы Мухамед Тургунович Ибрагимов атындагы №3 орто мектептин окуучулары 27-28-февраль күнү Кызыл кыяда болгон, Баткен областынын окуучуларынын арасында грек-рим күрөшү боюнча өтүлүүчү мелдешке катышып келишти.

Мелдештин максаты: Грек-рим күрөшүнүн жаш өспүрүмдөр арасында өнүктүрүү, окуучулардын ден соолугун чыңдоо жана чеберчилигин өнүктүрүү.

Мелдештин жыйынтыгында 9-классынын окуучулары Хамдамов Ырысбек 1-орунду, Мадалиев Азамат 3-орунду, ал эми 5-а классынын окуучусу Ниматов Эрнис 3-орунду ээлеп, шаарыбыздын намысын коргоп келишти. Бул балдардын окууларына ийгилик, мындан ары дагы мектебибиздин атын эле эмес, мамлекетибиздин атын дагы башка чет өлкөлөргө чыгарып, желегибизди желбиретүүнү каалап кетебиз.

  Сүлүктү шаарындагы Мухамед Тургунович Ибрагимов атындагы №3 орто мектептин окуучулары "2021-жыл Региондорду өнүктүрүү жана балдарды колдоо" жылына карата окуучулар арасында, шаардык масштабда өткөрүлгөн СТОЛ ҮСТҮНДӨ ТЕННИС оюну боюнча "Эң мыкты оюнчу" деп 10-класстын окуучусу Назаркулов Нургазы. КЫЗДАР командасы 2-орунду, БАЛДАР командасы 3-орунду ээлешти.

Дене тарбия мугалими: Азамат Миталип уулуга ишине ийгилик каалайбыз жана ыраазычылык билдиребиз.

    Сүлүктү шаарындагы М.Т.Ибрагимов атындагы №3 орто мектептин мугалимдери Зангирова Айнура жана Халпаева Буусара эжекелер 6-7-класстын окуучулары менен биргеликте 15-февраль Афган жоокерлеринин күнүнө карата, Афган жоокерлери Сыдыков Жакуббек жана Саитов Абдугапар агаларыбыз менен жолугушуу уюштурушту. Жолугушууда окуучулар ар кандай суроолорду берип агаларыбыздын өздөрүнөн угушту. Окуучулар майрамы менен куттуктап концерттик номер коюп беришти

 

   Сүлүктү шаарындагы М.Т.Ибрагимов №3 орто мектепте 18- февраль күнү Афган жоокерлер күнүнө арналган 8а-8б- класстар арасында "Кана эмесе жигиттер" конкурсу уюштурулуп, аймактагы Афган жоокерлерибиз Саитов Абдыгарып жана Сыдыков Жакуббек агайларыбызды чакырып, конкурска калыс болуп берүү менен өздөрүнүн башынан өткөн кыйынчылыктарын , кубанычтуу күндөрүн эстеп , айтып берүү менен окуучулардын окууларына ийгилик каалашты. Конкурс төмөнкү жобонун негизинде өткөрүлдү:  1. Саламдашуу.

                    2. Түймө кадоо .

                    3.Обондуу ыр.

                    4. Кыргыз бийи.

                    5. Жоокерлердин турмушунан көрүнүш көрсөтүү

                    6. Жумуртканын сыртын арчуу.

                    7. Сабиз туроо .

Жыйынтыгында 8 а- класстын "Эр жигиттер " командасы жеңишке жетти.